وين موجودة سيرفراتكم؟
سيرفراتنا في مراكز بيانات أوروبية، ومنديرها من دمشق. هيك يبقى موقعك شغّال بغض النظر عن الكهربا والإنترنت محليّاً، وبنفس الوقت الدعم عربي وبتوقيتك.
أسئلة منسمعها كل يوم.
إذا السؤال اللي ببالك ما كان هون، احكي معنا على واتساب ومنجاوبك مباشرة.
السيرفرات والحماية
ليش مو مستضيفين جوّا سوريا؟
لأنه وقت يروح الكهربا أو ينقطع الإنترنت، يروح معهم موقعك. البنية الأوروبية تعطي استمرارية أعلى، ووصول أسرع للزوّار برّا سوريا كمان.
هل شهادة SSL مجّانية؟
نعم. شهادة Let’s Encrypt على كل الباقات، على كل نطاق ونطاق فرعي، وتتجدد لحالها فما بدك تتذكّر شي.
كيف يشتغل النسخ الاحتياطي؟
أسبوعي على باقة البداية، ويومي على الاحترافية والأعمال، مع نسخة محفوظة بمكان تاني على باقة الأعمال. وعلى ووردبريس منأخد نسخة قبل كل تحديث.
الباقات والدفع
شو الفرق بين الباقات التلات؟
باقة البداية بـ 5$ بالشهر مع نسخ احتياطي أسبوعي، والباقة الاحترافية بـ 10$ مع نسخ يومي ورد بنفس اليوم ونقل مجّاني، وباقة الأعمال بـ 30$ تزيد نسخة خارجية ورد خلال ساعة. كل الباقات على نفس السيرفرات ونفس السرعة.
هل النقل من استضافة تانية مجّاني؟
نعم، مجّاني على الباقة الاحترافية وباقة الأعمال. أعطينا وصول للاستضافة القديمة ونحن منكمّل، ومنخلّي الموقع شغّال على القديمة لحتى يخلص النقل.
كيف بدفع؟
احكي معنا على واتساب ومنرتّب طريقة الدفع المناسبة إلك. ما في رسوم مخفية، والسعر اللي على صفحة الأسعار هو اللي بتدفعو.
موقعك والدعم
بقدر استعمل النطاق اللي عندي؟
أكيد. منوجّه النطاق على سيرفراتنا ومنضبط لك الـ DNS. وإذا ما عندك نطاق بعد، منساعدك تختار وتسجّل واحد.
هل تنصّبوا ووردبريس؟
نعم، تنصيب بضغطة زر مع إضافة LiteSpeed Cache مضبوطة من أول لحطة، ونسخة احتياطية قبل كل تحديث. ما بدك تتعامل مع الجانب التقني.
تبنوا لي موقع أو متجر؟
نعم، ومنبلّش من 100$. تصميم مخصّص مو قالب جاهز، عربي من أول خطوة، ومضبوط على الجوال، ومستضاف عندنا.
الدعم بأي لغة وكيف بتواصل؟
بالعربي، على واتساب أو الإيميل. منرد بنفس اليوم على الباقة الاحترافية، وخلال ساعة على باقة الأعمال.